هام جدااااا :: من الاصلح ان يكون رئيسا ( لجمهورية مصر العربيه )...؟؟!!

ايه يانور انت عايز تودينا في داهية صحيح انا ضد ان كل واحد يقول ياعم متخليني في حالي والي هيرسي علي الناس هيرسي عليا خليني اعرف اربي ولادي دي الكلمة الي بتردد علي لسان الشعب المصري عموما انا هقلك رائي هي موتة ولا اكتر بص ياسيدي انا شايفة ان الي يستحق المنصب ده هو الي حاسس بالناس ومشاكلها بصراحة انا بحب علاء مبارك ومحدش فينا يقدر ينكر دور وانجازات الرئيس حسني مبارك

علاء مبارك اكيد

مرسي على رايك


مع انى مش مؤيد علاء مبارك

انا دلوقتى لسه سامعة خبر وحش جدا فارجوك لو لقيت فى ردى تجاوزات امسحه لانى مش عارفة انا بكتب ايه بس انا هقول راى بصراحة , اولا انا مختارتش علاء مبارك انا قلت بحب الشخص ده وبحترمه وكمان علاء مبارك اصلا بعيد عن السياسة بس انا مقلتش اختيار لانى مش موافقة على واحد منهم يمكن تسخر منى بس انا بحب الرئيس حسنى ليه دايما كل افراد شعب بيرمى الاتهامات على ريسه ويعبر عن مدى بغضه عن حكمه كل رئيس ليه ايجابيته وسلبياته زى وزيك وزى الناس كلها فكل واحد فينا عنده ايجابياته وسلبياته وبقل ما نحاسب حد لازم كل واحد فينا يحاسب نفسه انا عايزاك تلقى نظرة كده على شباب اليوم ايه اهتمامتهم وايه هدفهم عايزاك تبص على المناطق الشعبية شوف تصرف الاهالى من القاء القملمة امام المنازل ممايتسبب الامراض لهم ولغيرهم عايز تفهمنى انا المطلوب من الرئيس ينزل لكل بيت ويقلهم ده التجاوزات الى بتحصل فى المصالح الحكومية مين الى بيعملها مش شخص زى زيك قبل ما نلوم حد ونقدمله اتهامات لازم نسال نفسنا احنا بنعمل فانا شايفة ان الرئيس حسنى هو وحده الى يستحق المنصب ده وانا ضد الاختيارات التلاتة

ولا واحد فيهم ...........
أولا لو علاء مبارك ......... مش هيبقى فى جديد يعنى زى المثل اللي بيقول ولا بلاش يعنى نفس سياسة الوالد امشى جنب الحيط واضرب الشعب بال... مفيش شعب البلد فى نظرهم مستثمرين ورجال أعمال وأعضاء مجلس الشعب اللي بيمثلوا الشعب في الكفته والبتنجان.. لا وغير كده يعنى بصراحه رجعلنا حقنا من الجزائر بعد الاهانات اللي في السوادن ورفعوا راسنا ..
ثانيا .. البرادعى خليه في اللي هو فيه بدل ما يحصله اللي حصل لغيره وانتو طبعا عارفين أقصد مين ؟؟؟؟؟؟
ثالثا عمرو موسى ..... أعتقد انو تبع العصابه ...
أنا من رأيى ان اللي بتحصل دى متتسماش انتخابات دى كوسه وبطيخ سلطه وكل اللي انتو عايزينه
يعنى لو حبينا نسميها انتخابات لازم يكون لها شروط
أولا اختيار واحد من الشعب عاش اللي الناس عشته أنتو فاهمين قصدى برغيف العيش الجميل المدعم والمياه الملوثه ده لو فى ميه أصلا والطرق المكسره والحوادث اللي بتحصل عليها وطبعا بتكون قضاء وقدر أو السواق غالبا بيبقى عامل دماغ هو فعلا بيبقى عامل دماغ لانو يا عينى منمش ومطبق بقاله أسبوع كده ولا الموظف يعينى اللي بيبقى فى الشغل من 8 صباحا ل 3 العصر وهو راجع بيته بيرجع كده على الساعه قول سته على ما يلاقى مواصله لا وكل ده وب 250 جنيه في الشهر والله يا بلاش واللي لو سيادتك دورت هتلاقيه بيبصرف 700 جنيه .. وغيرها طبعااااا بلاوى كتير موجوده زى ما يقولك المستشفى حكومى وتخش تغرم تكن العلاج وتخرج باشا يعنى الناس الغلابه دى تعمل ايه تمووت بقى
والضرايب اللي بياخدوها من الشعب بحجة الخدمات والمرافق العامه مش فاهمه بتروح فين ؟؟؟؟؟؟ انتو طبعا عارفين بتروح فين ؟؟؟ ده غير الحريه والديمقراطيه اللي بيتمتع بيها الشعب.. اللي نسيوا يقولو .... انها تكون داخل حدود منزله فقط .. غير كده طبعا لو اتكلم انتو عارفين الله يرحمه... ولا الشباب يعينى اللي بيقعد يدرس 16 سنه من عمره عشان في الأخر يلتحق بالكافتريا
يا اما قاعد عليها أو شغال فيها ...واقعغد عد بقى في السلبيات للصبح .. وطلعلى حاجه ايجابيه ولا سبب تنتخب الناس دى عشانه؟؟؟؟؟
ثانيااا طبعا مش هنختار اى واحد كده ده طبعا لازم يبقى حاصل على جائزه ايه,,,, وايه ؟؟؟؟؟ وفى الأخر لو دورت وراه هيطلع بطيخ
يا جماعه الشعب لازم يفوق الأول ويعرف حقوقه وبعدين يبقى يفكر في الانتخابات ..
تقبلوا المرور
أرجوا عدم حذف الرد وانا مسئوله عن كل كلمه كتبتهاا