ازاى تختارى الحجاب المناسب؟

من طرف ايتن الثلاثاء مارس 16, 2010 6:15 am

ازاي نختار
الحجاب المناسب؟

لازم يكون قماش الحجاب ماشي مع طبيعة اللبس بمعنى لو
اللبس كاجوال نختار الأقطان ولو اللبس فيه رسمي أو فيه قطعة حرير أو ستان
نختار حجاب حرير أو داخل في تكوينه تل أو شيفون.

من الحاجات المهمة أن نحرص
على لبس حجاب صحي.
بمعنى ؟

بمعنى أن يسمح للشعر بالتنفس حتى لا يتساقط الشعر...

معنى كده إن الحجاب بيسبب سقوط
الشعر؟

لا طبعا ولكن ما أقصده أن تكون طبيعة القماش صحية
زي الأقطان ولو استخدمنا خامات صناعية لازم الشعر يتلف بقطة من القماش
خفيفة تشبه الشاش لتسمح بدخول الهواء..عشان كده حرصت على تبطين الحجاب سواء
الحرير أو أي قماش
يحتوي على ألياف صناعية ببطانة من القطن الخفيف للحفاظ على الشعر وعلى ثبات
الربطة.

الموضة في خامة الحجاب؟

الأقطان طبعا لها الصدارة بالإضافة للشيفون والتل
والحرير.
من الحاجات الموضة قوي دخول "شريط البييه" على الحجاب والتطريز سواء بالخرز
أو القطع الخشبية والحلي المعدن البسيط

العروسة المحجبة ازاي
تختار طرحة وغطاء للرأس مناسب؟

تصميم" الكواف" لازم يكون قريب من الفستان والبساطة
هي سر الجمال لأي عروسه.

مهم جدا لو العروسة بتفضل التطريز يكون من نفس تطريز الفستان

وتستخدم نفس الخامات لو الفستان فيه جبير أو كريستال تستخدمه في تصميم
الكواف وطبعا التل الأبيض للطرحة.

اخبار الربطات السواريه؟

الربطات السواريه مهم جدا تكون كمان قريبة من
تصميم اللبس وعلى فكرة كل الخامات اللي نازلة موضة في الفساتين بنستخدمها
حاليا في تصميم ربطات سواريه زي التل والستان

نصيحتي للبنات المحجبات؟

نصيحتي للبنات الحرص على الاحتشام ... ازاي نلبس
إيشارب على شعرنا ونلبس بنطلون ضيق جدا أو بدي يفصل شكل الجسم، مواصفات
الحجاب الأساسية إنه لا يشف ولا يصف في ما عدا ذلك للمحجبة حرية اختيار
الألوان والتصميم لملابسها.. النهارده أصبح أمام المحجبة فرصة كبيرة تختار
بين تصميمات مختلفة... والمتخصصات في ملابس الحجاب الآن على أرقى مستوى..
المحجبة لا تقل أناقة وجمال عن غير المحجبة في كل شيء.

هناك بعض البنات بيفضلوا لبس الحجاب أولا وبعد كده تأتي خطوة توسيع اللبس
كبداية؟
أنا مع التدرج في كل شيء عشان تستمر وتثبت على قرار لبس الحجاب.. رأيي
البنت اللي بتفكر في الحجاب تبدأ في توسيع ملابسها لو كانت متعودة تلبس ضيق
جدا وتتأقلم مع الشكل الجديد قبل لبس الحجاب

ولا أعني أبدا بتوسيع الملابس البهدلة والواسع قوي لكن الواسع المتوافق مع
شروط الحجاب.

ولكن الأهم من لبس الحجاب أن نبدأ من داخلنا نلتزم في تصرفاتنا ونخلي جوانا
حلو عشان يظهر على وجوهنا.